सगरमाथा संरक्षणका अभियन्ता वाङछु शेर्पालाई राष्ट्रिय सलामी सहित अन्त्यष्टि गर्न परिवारले माग गरेको छ। राष्ट्रिय महत्वको विषयमा गरेको योगदानको कदर गर्दै उनलाई राष्ट्रिय सलामी दिनुपर्ने माग परिवारले गरेको हो।
४८ वर्षको उमेरमा पुस १५ मा निधन भएका शेर्पाको पार्थिव शरीर परम्परागत पूजापाठ र अन्तिम श्रद्धाञ्जलीको लागि शेर्पा सेवा केन्द्र बौद्धमा राखिएको छ।
राजधानीमा बौद्धमा पत्रकारसम्मेलन आयोजना गरी शेर्पालाई यसअघि नै राष्ट्रिय सलामी दिनुपर्ने आफूहरुले माग गरेको आङफूला शेर्पाले जानकारी दिए।
दुई छोरी र एक श्रीमाति रहेका शेर्पालाई बिहीबार नेकपा एमालेका बरिष्ठ नेता माधवकुमार नेपाल र सभासद यज्ञराज सुनुवारले श्रद्धान्जली दिएका थिए।