कास्कीमा रगत अभाव भएपछि रेडियो अन्नपूर्ण, पोखराले शनिबार आकस्मिक रक्तदान कार्यक्रम आयोजना गरेको छ।
नाकाबन्दीले इन्धनको चरम अभाव भएसँगै नियमितरुपमा हुने रक्तदान कार्यक्रमसमेत प्रभावित भएपछि कास्कीमा रगत अभाव भएकाले आकस्मिक रक्तदान आयोजना गरिएको रेडियो अन्नपूर्णका प्रमुख कार्यकारी अधिकृत दीपेन्द्र श्रेष्ठले बताए।
उनले नाकाबन्दीसँगै ब्लड बैंकमा रगत अभाव भएका कारण आकस्मिक रक्तदान आयोजना गरिएको उल्लेख गरे।
श्रेष्ठका अनुसार रेडियोले २०५८ साल यता नियमित १४ पटक र आकस्मिक चार पटक गरी १८ पटक रक्तदान कार्यक्रम सम्पन्न गरिसकेको छ।
कास्की जिल्लामा एक हजार २०० देखि एक हजार ६०० युनिटसम्म रगत आवश्यक हुने भए पनि इन्धनको चरम अभावसँगै रक्तदान कार्यक्रम प्रभावित हुने गरेको ब्लड बैंक, कास्कीका प्रमुख ध्रुवमणि लामिछानेले बताए। रासस
