राष्ट्रिय स्वाधिनताको नाममा चक्रपथको सडक मानव साङ्लो

भरतबन्धु थापा

भारतीय नाकाबन्दीको विरोधमा विद्यार्थीहरुले काठमाडौंमा विशाल प्रदर्शन गरेका छन्। निजी तथा आवासीय विद्यालयहरुको संगठन प्याब्सन र एन प्याब्सन, उच्च माध्यमिक विद्यालय संघ (हिसान) लगायतका शैक्षिक संगठनहरुको आव्हानमा विद्यार्थीहरुले शुक्रबार काठमाडौंमा विशाल प्रदर्शन गरेका हुन्।

हजारौं विद्यार्थीले काठमाडौको चक्रपथको २७ किलोमिटर सडकमा साङ्लो बनाएर प्रदर्शन गरेका छन्। शैक्षिक संगठनहरुले नाकाबन्दीका कारण पठनपाठन संचालन गर्न गाह्रो भएकाले नाकाबन्दीको विरोधमा अर्न्तराष्ट्रिय समुदायको ध्यानाकर्षण गराउन विद्यार्थीहरुलाई साङ्लोमा सहभागी गराएको बताएका छन्।

चक्रपथको २७ किलोमिटर सडकमा साङ्लो निर्माण गरिएको यो दोस्रो पटक हो। यसअघि २०६६ सालमा एकीकृत नेकपा माओवादीले राष्ट्रिय स्वाधिनताको नाममा चक्रपथको सडक मानव साङ्लोले घेरेको थियो।

प्रकाशित मिति: 2015-11-27 16:17:50

प्रतिक्रिया दिनुहोस्