सप्तरीको भारदह क्षेत्र राजमार्ग अन्तर्गत पर्छ । त्यहाँ राती ९ बजेदेखि बिहान ७ बजेसम्म निषेधित क्षेत्र तोकिएको छ । त्यहाँ कुनैपनि प्रकारका सभा, जुलुश गर्न रोक लगाइएको छ । तर राती ९ बजेभन्दा अघि नै हामीले त्यसक्षेत्रमा रहेका आन्दोलनकारीलाई हटन् बारम्बार माइकिङ गरिरहेका थियौं । तर मानेनन् ।
टियर ग्यासले त्यहाँ भएका २ हजारभन्दा बढी आन्दोलनकारीलाई हटायौं । तर पछि घरेलु हातहतियार, पेट्रोल बम, भालासहित आएर प्रहरी टोलीलाई आन्दोलनकारीले घेरे । गोली चलाए । हाम्रा २५ जना प्रहरी घाइते भएर अस्पतालमा छन् ।
त्यसपछि जवाफी कारबाहीमा हामीले गोली चलाउँदा एक जनाको मृत्यु भएको हो । त्यस्तै रुपनीमा पनि प्रहरीमाथि आन्दोलनकारीले भाला र पेट्रोल बम प्रहार गर्न थालेपछि जवाफी कारबाही गरिएको हो।
(सेतोपाटीका प्रकाश ढुंगानासँगको कुराकानीमा आधारित)