मोटरसाइकलमा पेट्रोल भर्ने आसले काठमाडौंका एक जना युवाले आफ्नो मोटरसाइकल झन्डै गुमाएका छन्।
एक जना अपांगलाई आफ्नो मोटरसाइकलमा तेल हाल्न उनले ३ सय रूपैयाँ दिएर लगाएका थिए। ती अपांगसँग उनको त्यती राम्रो चिनजान थिएन।
अपांगले तेल भर्न लाइन बस्नु पर्दैन थियो। त्यती भएर चाडै तेल हालिने आशले काठमाडौं ढल्कोका रामप्रसाद बरालले पैसा र बाइक दुबै हात अपांग भएका युवालाई दिउर आफ्नो काममा लागे।
तेलको लाइनमा गएर अपाङ्ग भएका परियार बसे। केहीबेर लाइन सब्ने बित्तिकै पालो आयो। उनी तेल हालेर उनी बाहिर निस्किए। आफै बाइक चलाउँदै अगाडि बढेका थिए। बाइक लिएर हिँडे हातले बाइकको ब्रेक र एक्सिलेटर पनि समात्न नमिल्ने उनले चलाएको बाइक बेला बेलामा स्टार्ट बन्द भइरहेको थियो।
जावलाखेलमा डिउटीमा रहेका ट्राफिक प्रहरीले देखे। उनलाई यस्तो हालतमा देखेपछि आफूभन्दा माथिल्लो ट्राफिक प्रहरीलाई खबर गरे। पछि उनको चेक जाँच गर्दा कुनै पनि कागजपत्र थिएन। लाइसेन्स पनि थिएन। बाइक र बिल बुक थियो। बिलबुक अर्कैको नाममा थियो।
लु.२० प ४८२५ नम्बरको बाइकलाई आवश्यक सोधपुछका लागि प्रहरीले ट्राफिक प्रहरी कार्यालय सातदोबाटो लिएर गयो।
एक त अपांग मान्छेले बाइक चलाइरहेको छ। त्यसमा पनि लाइसेन्स छैन। उनलाई प्रहरीले सोध्धा उनले साथीको बाइक हो भने। साथीलाई बोलाएर बाइक लैजाउ भनेपछि उनले साथी बोलाए।
प्रहरीले आवश्यक सोधपुछ गरेपछि साथीलाई बाइक दिएर पठायो।
जब बाइक पठायो केही बेरमै ढल्कोका रामप्रसादले बराल फोन गरे। फोनमा उनले आफ्नो बाइक हराएको प्रहरीमा उजुर गरे।
केहीबेर अघि सोही नम्बरको बाइक पठाएको ट्राफिक प्रहरी छक्क पर्यो। तुरून्तै उक्त बाइकबारे सर्कुलर गर्यो। केही बेरमै जमलमा उक्त बाइक पक्राउ पर्यो। ललितपुरबाट गएको ट्राफिक प्रहरीको टोलीले उक्त अपांग जीवन परियार र बाइक पनि नियन्त्रणमा लिएर ललितपुर आयो। बाइक धनीलाई पनि ट्राफिक कार्यालय बोलाए।
ट्राफिकले आवश्यक सोधपुछ गरी बाइक धनीलाई जिम्मा लगायो। त्यसपछि बाइक चोर्न खोज्नेलाई नियन्त्रणमा लिएर आवश्यक कारबाहीका लागि प्रहरी कार्यालय पठाइएको ललितपुरका ट्राफिक प्रहरी सीताराम हाछेथुले सेतोपाटीलाई बताए।
यस्तै सोही अपांग व्यक्तिले अघिल्लो दिन ढल्कोका राजेश्वर स्थापितको बा ३१ प ४१४५ नम्बरको बाइक पनि लिएर फरार भएका थिए। उनलई स्थापितले तेल भर्नका लागि हजार रूपैयाँसमेत लिएका थिए। ३ लिटर पेट्रोल हालेर बाँकी पैसा राख्ने सर्तमा उनले बाइकमा तेल भर्न लिएका थिए। तर उनी बाइकमा तेल भरेर फरार भएका थिए।
प्रहरीले आज उनलाई पक्राउ गरेपछि सोधपुछ गर्दै जाँदा उनले स्थापितको बाइक पनि लिएर हिँडेको बताएका थिए। भद्रकालीको मोडमा बाइक फालिदिएको उनलाई प्रहरीले बताए। पछि ट्राफिक प्रहरी गएर हेर्दा बाइक भद्रकालीकै मोडमा फेला पारेको थियो।
एक दिन अघिनै स्थापितले बाइक हराएको सूचना प्रहरीकहाँ टिपाएका थिए।
यसैबीच प्रहरीले आफ्नो बाइक कसैलाई पनि तेल भर्ने बहानामा विश्वासमा नछोड्न आग्रह गरेको छ।
