भारतको पानिट्यांकी नाका हुँदै सोमबार पनि १ सय २८ मालबहाक ट्रक काकडभिट्टा प्रवेश गरे। तर हाल सवैभन्दा बढी चासो रहेको पेट्रोलिय पदार्थको आयात भने हुन सकेको छैन।
मेची भन्सार कार्यलयले आउने भनेको ६ वटा ट्यांकर तेल यो समाचार तयार पार्दा सम्म नेपाल नभित्रिएको भन्सार कार्यालयले जनाएको छ।
स्रोतका अनुसार ईण्डीयन आयल कर्पोरेसन (आईओसी) को सिलीगुडी डिपुमा तेल भनर्न प्रतिक्षामा रहेका ३० ट्यांकरले सोमबार पनि पेट्रोल , डिजल र मट्टीतेल भर्न पाएनन्।
मेची भन्सार कार्यलयका प्रमुख भीमप्रसाद अधिकारीले आज दिनभरमा ईन्धन बाहेकका अन्य १ सय २८ वटा बिभिन्न सामान बोकेका ट्रक काकडभिट्टा जाँच पासका लागी आईपुगेको बताए। उनका अनुसार आवश्यक खड्किएको ईन्धन भने भारतले निर्यात गरेको छैन। अधिकारीका अनुसार पानिट्यांकी नाकामा भारत सरकारले गरेको अघोषित नाकाबन्दीको ९ दिन बित्दा पनि एक ट्यांकर तेल नेपाल नआएको हो।
यसैबिच भारतको बिदेश मन्त्रालयले सीमा नाकाका मातहतका निकायलाई दिएको निर्देशनले भने ४ वटा खाना पकाउने एलपि ग्यासका बुलेट काकडभिट्टा आईपुगेका छन्।
भारतले ईन्धन बाहेका सामान नेपाल जाँच पासको समय ह्वात्तै घटाएपछि काकडभिट्टामा ढुवानीका साधन र सोका मजदुरको संख्या पनि बढेको छ। यस अघि प्रायः सुनसान देखिने काकडभिट्टामा दुईदिन यता सर्वसाधरणको चहल पहल निकै बढेको स्थानीयले बताएका छन्।
शनिबार र आईतवार पनि सो नाका बाट १ सय ३१ वटा मालवहाक ट्रक नेपाल भित्रिएका थिए। नाकामा भारतीय सुरक्षा बलले जाँचपासको समय घटाएका कारण नेपाल भित्रिने ढुवानीका साधनको संख्या पनि बढेको हो।
पानिट्याँकी नाका हुँदै ढुवानीका सामान बोकेर नेपाल आउने क्रमका कन्टेनर। फोटोःबिनोद