VIDEO
डा.गोविन्द केसी नेतृत्वको आन्दोलनको एक साता बितिसक्दा पनि राज्यले उचित ध्यान दिएको छैन। अघिल्लो साता टीकापुर त्रासदीले खिचेको आम मानिसको ध्यान अझै सामान्य दैनिक घटनाक्रममा फर्किसकेको छैन। यस्तो बेलामा डा.केसी अनशन नबसेको भए हुन्थ्यो भन्नेहरु पनि धेरै छन् ।
यो समयमा निम्न प्रश्नको सरल उत्तर आम मानिसले खोज्दैछन्ः देश यस्तो असहज अवस्थामा हुँदा समेत अनशन पछि सार्न नमिल्नु र तत्काल विरोधमा उत्रन पर्नुको कारण के? कतै माथेमा प्रतिवेदन आदर्शवादी वा खुला अर्थतन्त्रको भाव प्रतिकुल त छैन? माथेमा प्रतिवेदन कार्यान्वयन भए दाबी गरिए झैं मेडिकल शिक्षा धराशायी हुने त होइन? डा.केसीको आन्दोलन सफल भयो भने प्रत्यक्ष लाभान्वित हुने को हो? डा. केसी पटकपटक अनशन बस्न पर्नुको कारण के? डा.केसी अनशन नबसेको भए वा माथेमा कार्यदल गठन नभएको भए के हुन्थ्यो? सरकारको यही रवैया रह्यो भने अब यो समस्याको निकास कसरी सम्भव होला?
जनजीवन सामान्य हुन थालेसँगै र डा.केसीको स्वास्थ्य अवस्था खस्कँदै गर्दा राज्यले त्यसप्रति ध्यान नदिएको अवस्थामा आम मानिसका यिनै जिज्ञासाहरुलाई समेट्दै यो भिडियो तयार पारिएको हो। यसमा अटाउन वा स्पष्ट हुन नसकेका अरू कुराहरू यही श्रृंखलाको अर्को भिडियोमा आउनेछन्। सुझाव र प्रतिक्रियाहरू सेतोपाटीको कमेन्ट खण्डमा वा युट्युबकै कमेन्ट खण्डमा राख्न सकिनेछ।