अन्तराष्ट्रिय मानवअधिकारवादी संस्था एम्नेष्टी इन्टरनेशनलले संघीयताको सीमाङ्कनलाई लिएर भइरहेका विरोध प्रदर्शनमा अत्यधिक बल प्रयोग नगर्न आग्रह गरेको छ।
एम्नेष्टीले आज एक विज्ञप्ति निकाल्दै अनावश्यक बल प्रयोग नगर्न प्रहरीलाई निर्देशन दिनसमेत सरकारसँग आग्रह गरेको छ।
विज्ञप्तिमा प्रहरीलाई बल प्रयोग गर्नुपर्ने अवस्थाबारे अन्तराष्ट्रिय मान्यताको अनुसरण गर्न पनि आग्रह गरेको छ।
दलहरुले छ प्रदेशको सीमाङ्कनमा सहमति गर्नेबित्तिकै मुलुकका विभिन्न ठाउँमा त्यसको विरोधमा प्रदर्शन सुरु भएको थियो।
प्रदर्शनका क्रममा प्रहरीको गोलीबाट सुर्खेतमा ३ र सप्तरीमा १ गरी चार जनाको मृत्यु भएको छ। सुर्खेत, जुम्ला, सप्तरी र कपिलबस्तु लगायतका जिल्लामा दर्जनौं घाइते भएका छन्।