सिराहाको एक गाउँमा डोमलाई पानी भर्न नदिएको विषयमा संसदमा कुरा उठेको छ। शनिबार राजेश हमालसहितको मिडिया टोली गएको बेला दीपक मलिकलाई स्थानीय कथित ठूला जातका मान्छेहरूले पानी भर्न दिएका थिएनन्।
सोमबार संसदको बैठकमा बोल्दै नेपाली कांग्रेसका सभासद मीनबहादुर विश्वकर्माले संसदमा विशेष समय माग गर्दै भने, ‘आज यो मुलुकमा हुँदै नहुने घटनाबारे सदनको ध्यानाकर्षण गर्छु। नेपाल सबै किसीमका जातिय विभेद छुवाछुत विरूद्धको सदस्य राष्ट्र हो।’
‘कार्यक्रममा गएका राजेश हमाललाई लज्जा बोध भयो तर गृह मन्त्री र सरकारलाई लज्जा बोध भएको छ कि छैन?, उनले प्रश्न गरे।
‘सरकार र गृहमन्त्रीलाई लज्जा बोध भएको छ कि छैन? सरकारसँग त्यहाको घटनाका दोषिहरूलाई तत्काल पक्राउ गरी कडा कारबाहीको माग गर्छु।’ विश्वकर्माले भने।