विपि कोइराला स्वास्थ्य विज्ञान प्रतिष्ठान धरानमा उपचाररत घाइेतहरु। फोटो केदार बस्नेत
सुनसरीको चतराबाट धार्मिक तीर्थस्थल बराहक्षेत्र तर्फ गइरहेको ल्याण्डरोभर १७ नं. ल्याण्डरोभरमा सवार १७ जना घाइते भएका छन् भने ४ जना सिकिस्त रहेका छन्। घाइतेलाई प्रहरीले उद्दार गरि धरानस्थित विपी कोइराला स्वास्थ्य विज्ञान प्रतिष्ठान पठाइएको जनाएको छ।
बराहक्षेत्र ३ का राजकुमार मगरको ना १ ज १३९ नम्बरको ल्याण्डरोभर आज अपरान्ह १७ नम्बर भीरबाट खसेको प्रहरी चौकी चतराका प्रहरी सहायक निरीक्षक लालबहादुर श्रेष्ठले जानकारी दिए। १ सय ५० मिटर माथिबाट खसेको ल्याण्डरोभर क्षतविक्षत भएको प्रहरीले बताएको छ। तीर्थयात्री बोकेको ल्याण्डरोभरमा कति मानिसहरु थिए, यकिन हुन नसकेको र खोजी कार्य जारी रहेको प्रहरीले बताएको छ।
