दाङको राजपुरको जंगलमा जंगली जनावर दुम्सी मार्न गएका दुई यूवाको मृत्यु भएको छ। शनिबार बेलुका सात बजे घरबाट दुम्सि मार्न भनि निस्किएका पाँच जना मध्य दुई जनाको ओडारमा निसास्रसीएर मृत्यु भएको जिल्ला प्रहरी पमुख कुवेर कडायतले जानकारी दिए।
मृत्यु हुनेमा राजपुर गाविस वडा नं.–७ का २४ वर्षे कुलराम चौधरी र राजपुर गाविस वडा नं.–८ का ३८ वर्षे दुखाराम चौधरी छन्। दुम्सीको दुलो भन्दै आगोको मुस्लो सहित ओडार भित्र पसेका तीन जना मध्ये एक जना स्वास फेर्न गाह्रो भयो भन्दै बीचबाटै फर्किएको तर चौधरी द्धय भने ओडार भित्र छिरेपछि फर्केर नआएको संँगै गएका साथीहरुलाई उद्धृत गर्दै प्रहरीले बताएको छ।
बाहिर दुई जना पर्खिरहेकाहरुले साथिहरु ओडारवाट फर्केर नआएपछि प्रहरीकोमा खबर पुगेको थियो। आईतवार बेलुकी मात्रै प्रहरीले ओडार भित्रै मृत अवस्थामा फेला परेका दुई जनाको शव निकालेरको प्रहरी प्रमुख कडायतले बताए। दुबै जनाको शव यो खबर तयार पार्दै गर्दा उपश्वास्थ्य चौकी लमहीमा पोष्ट मार्टमकालागि लैजाँदै गरेको पनि प्रहरीले बताएको छ।
तर कतिपयले भने ओडार भित्र रहेको विशाक्त ग्याँसका कारण ति यूवाको मृत्यु भएको हुन सक्ने अनुमान गरेका छन्।