जिल्ला शिक्षा कार्यालय दाङ र आन्दोलनरत चार वाम विद्यार्थी संगठनहरुका बीचमा चार बुँदे सहमति भएको छ। गएराति अवेरसम्म चलेको छलछलले अनुमति बिना सञ्चालित जिल्लाका आठ वोर्डिङ स्कुलहरू एक साता भित्र बन्द गर्ने निर्णय गरेको छ।
तुलसीपुरस्थित टरीगाँउ गौरीगाउँको ग्यालेक्सि वोर्डिङ स्कुल , ज्ञान पुञ्ज हरीपौरी, तुलसीपुरको रत्नशिल, देउखुरी वनगाउँको पब्लिक वोर्डिङ स्कुल, लमहीका एम्स वोर्डिङ र शिद्धवावा वोर्डिङ स्कुल,साउथ प्वाइन्ट बोर्डिङस्कुल घोराही एक हप्ता भित्र बन्दगर्ने सहमति भएको बैठकपछि अनेरास्ववियूका जिल्ला अध्यक्ष विरवल खड्काले जानकारी दिए।
त्यस्तै नव क्षितिज वोर्डिङ स्कुल घोराही अनुमति पाएको नामभन्दा फरक नामबाट विद्यालय संचालन गरेको पाइएकोले अनुमति पाएकै नामबाट विद्यालय संचालनका लागि आजै पत्रचार गर्ने निर्णय पनि भएको छ। चार बुँदे सहमति अन्त्तरगत गत वैशाख ६ गते भएको सहमति अनुसार सामुदायिक विद्यालयले विद्यार्थीबाट कुनै पनि बहानामा शूल्क लिन नपाउने,वोर्डिङहरुले बढाएको शूल्क तत्काल फिर्ता हुनुपर्ने, छात्रवृत्ति समयमै वितरण गर्ने सहमति भएको छ।