अख्तियार दुरुपयोग अनुसन्धान आयोगको टोलीले नेपाल विद्युत प्राधिकरण नेपालगन्ज बितरण केन्द्रका सुपरभाइजर बिनोद पन्डितलाई सेवाग्राहीबाट घुस लिँदा लिँदै नियन्त्रणमा लिएको छ।
विद्युतको थ्री फेज लाइन जडान गरिदिने आश्वासन दिई सेवाग्राहीलाई शनिबार कार्यालयमा बोलाएर २५ हजार रूपैया घुस लिदै गरेको अबस्थामा केन्द्रका सुपरभाइजर पन्डितलाई अख्तियारको टोलीले कार्यालय परिसरमै रंगेहात फेला पारेको हो।
बिगत ३ महिनादेखि विद्युतको थ्रि फेज लाइन जडान गर्नका लागि प्रयास गरि रहेका सेवाग्राहीबाट ३० हजार घुस लिएको अख्तियार दुरुपयोग अनुसन्धान आयोग सम्पर्क कार्यालय कोहलपुरका प्रमुख प्रहरी उपरीक्षक बसन्त कुँबरले बताए।
