दाङमा एक जना महिलाको विभत्स हत्या गरेको अवस्थामा शुक्रवार शव फेला परेको छ। घोराही नगर पालिका वडा नं.–४ चौघेराको कृष्ण टोलमा ५६ वर्षे देवकी विकको हत्या गरिएको अवस्थामा शव फेला परेको जिल्ला प्रहरी कार्यालय दाङका प्रहरी नायव उपरिक्षक रञ्जित सिंह राठोरले जानकारी दिए।
उनले शबको नजिकै खुर्पा र हँसिया फेला परेको जानकारी दिए। मृतक विक त्रिपुर नगरपालिका वडा नं.–४निवासी रहेको प्रहरीले जनाएको छ। प्रहरीले मृतक विकको मानसिक सन्तुलन ठीक नभएको आफन्तले बताएको जनाएको छ। मृतक विक विहिवार मात्रै आफनी बहिनी विमला विश्वकर्माको घरमा गएको प्रहरीले बताएको छ।
बहिनीको घरमा बास बसेकै समयमा देवकीको हत्या भएको प्रहरीले प्रहरी नायव उपरीक्षक राठोरले बताए। उनको सुतेकै स्थानमा शव फेला परेको थियो। विकको शव फेला परेपनि टाउको भने फेला पर्न सकेको छैन। हत्यारोले टाउको नै लगेर गएको हुन सक्ने अनुमान गरिएको छ। मृतक विकको टाउकोको खोजिभइरहेको छ।
शुक्रबार बिहान नौ बजेतिर फेला परेको विकको शवको बाँया कोखातिर पनि प्वाँल पारेको देखिएको छ भने आन्द्रा भूँडि सबै बाहिर निस्कको अवस्थामा शब फेला परेको छ। बिकको विभत्स तरीकाले हत्या भएको र हत्याराको खोजि भइरहेको प्रहरीले बताएको छ।