काठमाडौंको गोठाटारमा रहेको तेजविनायक उच्चमाविमा मादक पदार्थ सेवन गरी हल्ला गर्ने २ जनालाई प्रहरीले पक्राउ गरेको छ ।
गोठाटारका सुलभ पण्डित, नविन दाहाललाई पक्राउ गरिएको गोठाटार प्रहरीका प्रहरी निरिक्षक दीपककुमार शर्माले जानकारी दिए ।
शिक्षकले पढाइरहेको बेला कक्षाकोठामा पसेर मादक पदार्थ पदार्थ सेवन गरी उनीहरले हल्ला गरेका थिए । होहल्लासँगै उनीहरुले आलु तास्ने चक्कुले एक छात्रामाथि आक्रमण गरेका थिए । ८ कक्षामा पढ्ने हेमा कटुवालको देब्रे हातमा चोट लागेको छ ।
उनीहरुलाई प्रहरीले पक्राउ गरी बानेश्वर वृतमा ल्याएको छ । दुवै जना विद्यार्थी त्यही विद्यालयका भूतपूर्व छात्र रहेको प्रहरीले जनाएको छ । उनीहरुले किन मादक पदार्थ सेवन गरी कक्षा कोठामा प्रवेश गरेको भन्ने केही खुलेको छैन् ।