भूकम्प पीडितलाई कुहिएको चामल वितरण गरेको सन्दर्भमा राष्ट्रसंघका प्रतिनिधी जोन जिङको अभिव्यक्ति प्रति राष्ट्रिय मानवअधिकार आयोगले आपत्ती जनाएको छ।
आयोगले जिङले माफी माग्नु पर्ने माग गरेको छ।
काठमाडौं आएका राष्ट्रसंघको मानवीय मामिला संयोजन तथा सम्बोधन विभागका निर्देशक जिङले नेपालमा आएको सहयोग अन्यत्र लैजाने चेतावनी दिएका थिए।
उनले विश्व खाद्य कार्यक्रम मार्फत वितरित चामल गुणस्तरहीन हुन नसक्ने बताउँदै उनले अनावश्यक प्रचारबाजी भएको टिप्पणी गरेका थिए। पत्रकार सम्मेलन मार्फत उनले नेपालमा खाद्यान्न आवश्यक नभए सिरिया वा इराक पठाउने धम्की दिएका थिए।
भूकम्प प्रभावित जिल्लामा राष्ट्रसंघको विश्वखाद्य कार्यक्रमद्वारा वितरित चामल, दाललगायत खाद्यान्न कुहिएको, गुणस्तरहीन र अखाद्य भेटिएको थियो।