अमेरिका पठाइदिन्छु भन्दै सेन्ट लुसिया पठाउने एक कन्सल्ट्यान्सी संचालकलाई महानगरीय प्रहरी अपराध अनुसन्धान महाशाखाले पक्राउ गरेको छ।
चितवन भरतपुर उप महानगरपालिका वडा नं. ११ घर भई सोही स्थानमा भिसा एब्रोड एजुकेसन संचालन गर्ने सुजन न्यौपानेलाई प्रहरीले पक्राउ गरेको हो। उनले १५ जना विद्यार्थीलाई सेन्ट लुसियाको ल्यामबर्ड एकेडेमीमा पठाई त्यहाँबाट एक वर्षभित्र अमेरिका पठाइदिने भन्दै १२ लाखका दरले रकम लिएका थिए।
विद्यार्थीहरु त्यहाँ पुगेपछि अलपत्र परेको र सो कलेजका अधिकारीलाई मानव बेचबिखन मुद्धा परेर बन्द भएको पाइएको थियो । पछि १४ जना विद्यार्थी २ सातापछि नेपाल फर्किएका थिए । न्यौपानेलाई काठमाडौंको केशरमहलबाट पक्राउ गरिएको एसपी प्रकाश अधिकारीले जानकारी दिए ।
