इलाका प्रहरी कार्यालय पशुपतीनगरबाट खटिएको प्रहरी टोलीले १ सय ३४ किलोग्राम चरेश सहित २ जना भारतीय नागरिकलाई पक्राउ गरेको छ । पक्राउ पर्नेमा भारत मोतिहारी लखौराका ३४ वर्षीय बलिराम दास र बेटिया सुगौलीका ४५ वर्षीय सरफोदीन अन्सारी छन्।
हेटौडाबाट बारातर्फ जाँदै गरेको विआर २९ बि ५९२९ नम्वरको बलेरो गाडीलाई मंगलबार हेटौडा उपमहानगरपालिका–१७ स्थित रातोमाटेमा प्रहरीले चेकजाँच गर्दा उक्त चरेश बरामद भएको हो। पक्राउ परेका दुईजना बारे प्रहरीले आवश्यक अनुसन्धान गरिरहेको छ ।