सरकारले भूकम्पले तहस नहस भएको जिल्ला सिन्धुपाल्चोकमा राहत पठाउने क्रममा तीन वटा रोटी पठाएको छ।
भूकम्प पीडितका लागि सरकारी राहतको वितरण व्यवस्थापनको जिम्मा पाएको नेश्नल ट्रेडिङ लिमिटेडका अनुसार सम्बन्धित जिल्ला दैविप्रकोप राहत समितिको नाममा विभिन्न खाले राहतका सामाग्री पठाउने क्रममा सिन्धुपाल्चोक जिल्लामा ३ वटा रोटी पठाएको हो।
नेशनल ट्रेडिङ लिमिटेडले जेठ १३ गतेसम्म जिल्ला जिल्लामा पठाएको राहत सामाग्री वितरणको विवरण सूचीको ३२औं नम्बरमा सिन्धुपाल्चोक जिल्लामा ३ रोटी पठाएको उल्लेख छ।
त्यस अतिरिक्त लिमिटेडले उक्त जिल्लामा एक प्याकेट सलाई, ६ प्याकेट मैनबत्ती पनि पठाएको छ। त्यसैगरी लिमिटेडले नुवाकोटमा ३ सेट चम्चा, एक सेट ब्रस र मन्जन, धादिङमा दुई प्याकेट मैनबैत्ती र काभ्रेमा एक बट्टा अचार पनि राहत स्वरूप पठाएको छ।
