पर्सा प्रहरीले घुसदिएको आरोपमा सात जनालाई सार्वजनिक मुद्दा चलाइएको छ। पर्साको रगंपुर चौकीका प्रहरीलाई १५ हजार घुस दिन खोजेको आरोप लगाउँदै सात जनामाथि सार्वजनिक अपराध मुद्दा चलाएको हो।
प्रहरी चौकी रंगपुर टाँडीबाट खटिएको प्रहरी टोली सोनबर्षा ६ मा पुग्दा ५ जना व्यक्तिहरू शंकास्पद रूपमा रहेको देखेपछि सोधपुछ गर्दा प्रहरीसँग विवाद गरि लछार पछार गर्न खोज्दा उनीहरुलाई पक्राउ गरिएको थियो।
पक्राउ परेका जिल्ला मकवानपुर मनहरी गा.वि.स.वडा नं.६ बस्ने वर्ष ३५ को श्याम राई, वर्ष ३० को सुरज राई, वर्ष २३ को अविनाश माझी, वर्ष २२ को कुमार सुवेदी र वर्ष ३५ को बम बहादुर सुवेदीलाई नियन्त्रणमा लिएको थियो। उक्त घटनापछि सोनवर्षा ७ बस्ने सुलमान मियाँले पाँचै जनालाई छोडिदिनुहोस् १५ हजार दिन्छु भनेकाले सुलेमान मियालाई समेत पक्राउ गरि कारबाही अगाडि बढाइएको पर्सा प्रहरीले जनाएको छ।
सुलेमान मियालाई पक्राउ गरि सोधपुछ गर्दा उक्त रकम जिल्ला पर्सा सोनबर्षा ६ बस्ने महमह अबुलैस अन्सारीले प्रहरीलाई दिन पठाएको भनी बयानदिएको आरोपमा अबुलैस अन्सारी समेतलाई पक्राउ गरि घट्नामा संलग्न सबै व्यक्तिमाथि सार्वजनिक अपराध मुद्दामा म्याद थप गरि कारबाही अगाडि बढाइएको पर्सा प्रहरी उपरीक्षक दिवेश लोहनीले बताए।