कालीगण्डकीको पहिरो हेर्न गएको टोलीको प्रारम्भिक अध्ययनपछि सरकारले 'एक्सन' टोली पठाउने भएको छ। सुरुमा डंगा सहितका ६ जाना सेनालाई हेलिकप्टरले पोखराबाट काफलडाँडातर्फ लाने तयारि भइरहेको छ। क्षेत्रीय प्रशासक दिनेश थपलियाका अनुसार सेनाको विशेष टोली डुंगामा पहिरोले बनाएको बाँधमै पुग्नेछ।
थपलियाका अनुसार तालको लम्बाई माथि तीन किलोमिटरसम्म पुगेको छ। त्यसैले तातोपानी क्षेत्रसम्म नदी किनारको बसोबास खाली गरिएको छ। 'बेनीबाट वृ्द्ध, केटाकेटी र सुत्केरी सुरक्षीत ठाउँमा छन्,' उनले भने। तटीय क्षेत्रका बासिन्दाले जोखिमको जानकारी पाइसकेकाले आत्तिनुपर्ने अवस्था नरहेको उनले बताए। 'संचार माध्यम र सुरक्षाकर्मी मार्फत सबैले नदी थुनिएकोबारे जानकारी पाइसके,' उनले भने, 'कथंकदाचित ताल फुटे पनि सबै सुरक्षीत नै हुन्छन्।'
म्याग्दी - बागलुङ - पर्वत जिल्ला हुँदै कालीगण्डकी जलविद्युत आयोजना रहेको स्याङ्जाको मिर्मीसम्म बढि संवेदनसिल रहेको निचोड सरकारले निकालेको। त्यो भन्दा तल पाल्पा ,गुल्मी, नवलपरासीमा कोहि पनि आत्तिनुपर्ने अवस्था नरहेको थपलियाले आग्रह गरेका छन्।
'पहिरोले बनेको तालबाट पानी खोलिएकै हकमा पनि नवलपरासी पुग्न चार घन्टा लाग्छ,' उनले भने, 'हामीले एक एक घन्टामा नदी किनारका सबै वस्तीमा खवर पुर्याउने प्रवन्ध मिलाएका छौं। अहिले नै किन भागाभाग गर्नुपर्यो ।,'
थपलियाले गाउँमा प्रहरीले खवर पुर्याउन सक्नेगरि तैनाथ गरिएको बताए।' म्याग्दीदेखि खबरको रिले माध्यम सुरु भयो भने त्यो केहि मिनेटमै नवलपरासीसम्म पुग्ने दावी उनले गरे।