म्याग्दी जिल्ला भगवती गाविसमा गए राती गएको पहिरोबारे अध्ययन गर्न सरकारले पठाएको टोली काठमाडौंबाट उडेको छ। जुरे पहिरो व्यवस्थापन गरेको सेनाको इञ्जिनियरिङ विभागका अधिकारी सहितको टोलीमा भूगर्भविद र मौसमविज्ञ पनि छन्।
'हामीले स्थानीय प्रशासन र सुरक्षा निकायबाट जानकारी पाइरहेका छौं,' गृह मन्त्रालयका उपसचिव बाबुराम भण्डारीले भने, 'यो टोलीले रेक्की गरि प्रारम्भिक अध्ययन गर्छ।' टोली ८.१५ भित्र म्याग्दी पुग्ने अनुमान गरिएको छ।
