म्याग्दीको भगवती र राम्चे गाविसको सिमामा पर्ने बैसरीमा कालीगण्डकी नदी पूरै थुनिएको छ। नदीमा निरन्तर पहिरो खसेेको पहिरोले कालीगण्डकीमा ठूलो ताल बनेको छ।
आईतबार बिहान २ बजे राम्चे गाविस ९ मा पर्ने काफलडाँडाको भीरको पहाडबाट खसेको पहिरोले कालीगण्डकी थुनेको हो।
पहिरोले कालीगण्डकी नदी थुनेपछि वैसरीदेखि माथिका बेगखोला, तिप्ल्याङ, महभीर, भिरकाटे, पोखरेबगर, भुरुङ तातोपानी, दाना लगायतका बस्तीहरु जोखिममा परेका छन्।
तालको सतह बढ्दै बनी–जोमसोम सडकखण्डसम्म पुगेको छ। यसैगरी गलेश्वर, म्याग्दी बेनी, पर्वत बगर, पर्वत बेनी लगायत बागलुङ, पर्वत, स्याङ्जा लगायत कालीगण्डकीको तटीय क्षेत्रमा पर्ने बस्तीहरु जोखिममा रहेका छन्।
