बेनी-मुस्ताङ सडकखण्डको भगवती गाविसअन्तर्गत बैसरीमा राति २ बजे आएको ठूलो पहिरोले अहिले कालीगण्डकी नदी पुरै थुनिएको छ।
अघि बिहानसम्म ३० प्रतिशत पानी बगिरहेको छ भनि ठानिएको नदि अहिले ठप्प भएको डिएसपी हिराबहादुर गिरीले जानकारी दिए।
गिरीका अनुसार प्रहरीले राति नै इन्सपेक्टरको नेतृत्वमा काफलडाँडामा पोस्ट खडा गरेको छ।‘इन्सपेक्टरले भर्खरै मलाई गराउनु भएको जानकारी अनुसार नदि पूरै थुनिएको छ,’ उनले भने,‘ पहिरोले बनेको ड्याम लगभग दुईसय मिटर अग्लो छ।’
उनले पहिरोले बनाएको ताल एक किमी भन्दा लामो भइसकेको जानकारी दिए। ‘अहिले (बिहान ७ बजे) म र कर्सा’ब(गणपति) हिँडेर घटनास्थलतर्फ जाँदैछौ।’
क्षेत्रिय प्रशासक दिनेश थपलियाका अनुसार पहिरोमा सुरूमा ढुंगाको बाँध बन्यो पछि लेदो भरिँदै जाँदा थुनिएको पानी पनि बढ्दै गइरहेको छ।
baisiri pahiro update kaligandaki thuniyer baneko taal 2072 jestha 10 bihan 6.30 baje
Posted by Suraj Kc on Saturday, May 23, 2015
