पहिरोले कालिगण्डकी नदी थुनेर पारेको ताल बढ्दै गएपछि तटीय क्षेत्रमा त्यसको त्रास पनि चुलिँदै गएको छ।
प्रहरीका अनुसार तालको लम्बाई झन्डै आधा किमीको भइसकेको छ। ताल फुटेर हुनसक्ने सम्भावित जोखीमबाट जोगिन सुरक्षा निकायले म्याग्दीका स्थानीयलाई अर्थुङ्गेडाँडा र मंगलटारमा सारेको छ। नदी किनारमा घरबास भएकाले उच्च जोखिममा रहेका १ हजारभन्दा बढी वृद्ध, महिला र केटाकेटी सेनाको अर्थुंगे डाँडास्थित ब्यारेकमा पुगेका छन्।
कारागार खाली गराएर ५७ कैदीलाई जिल्ला विकास समितिको सभाकक्षमा सारिएको छ। सुरक्षाकर्मीले म्याग्दीबाट मुस्ताङ जाने बाटोमा आवागमनमा रोक लगाएको छ।