सिन्धुपाल्चोक केन्द्र बनाएर शनिवार राती फेरि भूकम्पले धक्का दिएको छ। हेलम्बु आसपास केन्द्र भएको भूकम्पको मानपन ४.४ रेक्टर स्केल गरिएको छ। १०:२६ मिनेट जाँदा महशुस भएको भूकम्प आज गएको तेस्रो धक्का हो। आज विहान डोल्पा केन्द्र बनाएर ४.८ र दोलखा केन्द्र बनाएर ४.२ रेक्टर स्केलको परकम्प गएको थियो।
वैशाख १२ को ७.६ रेक्टरको विनाशकारी भूकम्पपछि हरेक दिनजसो नेपालमा भूकम्पको धक्का महसुस भएको छ। राष्ट्रिय भूकम्प मापन केन्द्रका अनुसार अहिलेसम्म ४.० म्याग्निच्यूडभन्दा माथिका २ सय ५९ वटा परकम्प गएका छन् ।
४.० म्याग्निच्यूडभन्दा मुनिका परकम्पलाई केन्द्रले आफ्नो रेकर्डमा राख्ने गरेको छैन। त्यस्ता साना परकम्प त हजारौंपटक गएको केन्द्रले जनाएको छ। नेपाल प्रहरीका अनुसार शनिबार साँझ सम्ममा भूकम्पमा परी ज्यान गुमाउनेको संख्या ८६५० नाघेको छ। यस्तै राजधानीसहित विभिन्न अस्पतालमा उपचार गराइरहेका घाइतेको संख्या २२ हजारभन्दा धेरै छन्।
