वैशाख १२ बाट सुरू भएको भूकम्पको सिलसिला अझै जारी रहेको छ। यस अवधिमा अमेरिकी भौगर्भिक सर्भेले उपलब्ध गराएको तथ्यांक अनुसार नेपाली भूमि भित्र र चीनसँगको सीमासँगै केन्द्र बिन्दु भएका ३ रेक्टर स्केल भन्दा ठूला ९७ वटा भूकम्प गएका छन्।
पश्चिमी गोर्खा केन्द्र बिन्दु भएर गएको ७.८ रेक्टर स्केलको पहिलो भूकम्प सबैभन्दा ठूलो थियो भने ७.३ रेक्टर स्केलको दोस्रो ठूलो भूकम्प आज दिउँसो सिन्धुपाल्चोकसँग सीमाना जोडिएको दोलखा जिल्लाको भागमा केन्द्रबिन्दु भएर गयो।
यसै बिचमा ६ देखि ७ रेक्टर स्केलका भूकम्प गोरखामा १, सिन्धुपाल्चोक मा १ र दोलखामा १ वटा गएका छन्।
त्यस्तै ५ देखि ६ रेक्टर स्केलका भूकम्प गोरखामा १, धादिङमा १, काभ्रेमा १, सिन्धुपाल्चोकमा ४, दोलखामा ३ र रसुवा नजिक तिब्बती भू-भागमा १ वटा गएका छन्।
५ रेक्टर स्केलभन्दा साना भूकम्पहरु खास गरी सिन्धुपाल्चोक, काभ्रेपलान्चोक, दोलखा, नुवाकोट र गोर्खा केन्द्र बिन्दु बनाएर गएका छन्।