सरकारी कार्यालयको किर्ते छाप, परिचयपत्र बनाई ठगी गर्दै हिड्ने एक जनालाई प्रहरीले पक्राउ गरेको छ।
जिल्ला वन कार्यालय रोल्पा, सल्यान, विभिन्न रेन्जपोष्टका छाप, नक्कली परिचय पत्र, नगद ३५ हजार सहित कोर्चावाङ ७, रोल्पाका सेरवहादुर वुढालाई प्रहरीले पक्राउ गरेको हो।
जिल्ला वन कार्यालयमा लामो समय काम गरेका उनी अहिले विभिन्न ठगी धन्दामा लागेको खुलेको हो।
प्रति व्यक्ती १ हजार ५ सयदेखि ५० हजारसम्म रकम लिई जागीर लगाईदिने भन्दै हिडेका शेरबहादुर बुढाको साथबाट विभिन्न व्यक्तिका सक्कली प्रमाण पत्र समेत वरामद भएको प्रहरीले जनाएको छ।
क्यामरा, डिभिडिसमेत वरामद गरीएका सेरबहादुर वुढालाई सरकारी कागजात र्किर्ते मुद्दा लगाएत ठगी मुद्धा समेत लाग्न सक्ने भन्दै प्रहरीले अनुसन्धान गरिरहेको जनाएको छ।
