अाज वैशाख पूर्णिमा अर्थात् गौतम बुद्धको २५५९ अौं जन्मदिन। काठमाडौंका गुम्बाहरूमा पुजा अर्चनासहित बुद्ध पूर्णिमा मनाइयो।
पाटनको गोल्डेन टेम्पलमा एक वृद्ध आमा पुजामा लीन थिइन्। उनले भनिन्- मेरो परिवार सबै ठीक छ अरुको परिवार पनि ठीक होस्।
म कहिले पनि देख्दिन जुन कुरा भइसक्यो
म त्यो मात्र देख्छु जुन कुरा गर्न बाँकी छ।
यो बुद्धको वाणी हो। विपत्तिको घडीमा हामीलाई यो वाणीले धेरै प्रेरणाा दिन्छ।
यही नै भगवान बुद्धलाई सम्झिने बेला पनि हो। हाम्रासामु विपत्तिले दिएको दु:ख मात्रै होइन अझै राम्रो जिन्दगी बनाउने चुनौति पनि छ।
ढलेका घरहरु उठाउन हाम्रा हातहरु काफि छन्। हाम्रो कर्म हामी संगै छ। महाभूकम्प आएको १०दिन भयो।
यसको असर हामी वर्षौं भूल्ने छैनौं। तर कति दिन दुखी भएर बस्ने? कर्मले हामीलाई बाटो देखाउँछ।
कर्मले जिवन जिउने साहस दिन्छ र दु:ख बिर्साउँछ। विपत्ति एक अनुभव थियो। जिवन नै अनुभवको नाम हो। जिवनमा दुख छ र सुख पनि छ ।
हरेकले सुखदु:खबाट गुज्रनै पर्छ। हामीले एकअर्काप्रति विश्वास गरौँ प्रेम गरौँ र कर्ममा समर्पित होअौं।
बुद्ध जयन्तीको यही शुभकामना।
.jpg)
