नारायणगढ मुग्लिन सडकखण्ड अन्तर्गत चण्डिभञ्ज्याङ गाउँ विकास समिति वडा नम्बर ५ खहरेमा गएराति खसेको पहिरो पन्छाएपछि दिउँसो पौने २ बजेदेखि अवरुद्ध सडक खुलेको छ ।
जिल्ला प्रहरी कार्यालय चितवनले दिएको जानकारी अनुसार राति साढे दुई बजेदेखि सडक अवरुद्ध भएको थियो । जिप्रका चितवनका प्रमुख प्रहरी उपरीक्षक सहकुल बहादुर थापाले २५ मिटर सडक ढुङ्गा र लेदोले ढाकेकोमा डोजरको सहायताले हटाएर एकतर्फी खुलाइएको हो।
सडक अवरुद्ध भएसँगै आवतजावत गर्ने मानिस र सवारी अलपत्र परेका थिए । बाटो खुलेसँगै गोरखा, नुवाकोट, धादिङ, रसुवा, लमजुङ लगायतका जिल्लाबाट ल्याइएका घाइते अहिले अस्पताल पुगेका छन् । रासस
