शनिबार गएको विनाशकारी महाभुकम्पबाट पीडितहरुको राहतका निम्ति संविधानसभाका पदाधिकारी तथा सदस्यकोे तर्फबाट एकमहिनाको पारिश्रमिक २ करोड ५८ लाख २५ हजार रुपैया प्रदान गरिने भएको छ।
संविधानसभाका अध्यक्ष सुवासचन्द्र नेम्वाङ्गको अध्यक्षतामा सोमबार सिहंदरबारमा बसेको सर्वदलीय बैठकको निर्णय अनुसार, संविधानसभा अध्यक्ष, उपाध्यक्ष, विपक्षी दलका नेता, सबै दलका प्रमख सचेतक समितिका सभापति लगायत सभासदहरुको एक महिनाको पारिश्रमिक दैवी प्रकोप उद्दार कोषमा प्रदान गर्ने निर्णय भएको हो।
संविधानसभा सचिवालयका अनुसार, यसमा सरकारमा रहेका संविधानसभा सदस्यहरुको समावेश गरिएको छ।
बैठकले राष्ट्रिय विपदको घडीमा सबैलाई धैर्य र संयमता अपनाई सरकार, सरकारी निकाय, सर्वसाधारण नागरिक तथा विभिन्न गैरसरकारी राष्ट्रिय तथा अर्न्तराष्ट्रिय निकायलाई उद्दार, राहत तथा पुर्ननिर्माण कार्यमा सहयोग गर्न पनि अनुरोध गरेकोछ।
त्यसैगरी उक्त बैठकले भुकम्प पीडितहरुको उद्दार, राहत तथा पुर्नस्थापनाका विषयमा सरकारको तर्फबाट भए गरेका काम कारबाहीको अनुगमन गर्न संसदको राज्य व्यवस्था समितिलाई निर्देशन दिइएको छ।