भारतबाट काठमाडौंमा आएर काम गरिरहेकाहरुले आफूलाई घर जान भारत सरकारले सहयोग गर्दैछ भनेका सुनेका रहेछन्। सेतोपाटी टिमले मंगलबार कलंकीमा गाडी कुरिरहेको एक समूहलाई सोधेपछि– भारत सरकारले हामीलाई घर जान १६ वटा बस पठाएको छ रे, तपाईंहरुलाई थाहा छ, कहाँ छन् ती बस?, भनी उनीहरूले प्रश्न गरेका थिए।
भारत बेतियाको घर जान बल्खुमा बस कुरिरहेका प्रदिपकुमार शाहले भने, ‘मैले एफएममा सुनेको हामीलाई घर लैजान भारत सरकारले ६ वटा प्लेन पठाएको छ रे।‘ ‘त्यस्तो त सुनेका छैनौ‘, हामीले भन्यौं।
उनले भने ‘ तपाईंहरुकै एफएमबाट सुनेको। तर ती जहाजको बारेमा उनीहरुलाई कुनै जानकारी थिएन। शाहकी बहिनीले दाइलाई सोधिन्, हामी प्लेन जान पाउँछौं?‘
