बेलायतमा घाँटी र कम्मरको समस्या भएका मानिसको संख्या गत वर्षको भन्दा ६० प्रतिशतले वृद्धि भएको छ। यस्तो समस्याबाट पीडित हुनेमा अधिकांश कम्प्युटरको डेक्सटप र ल्यापटपमा बस्ने, आइप्याड, मोबाइलमा दैनिक धेरै समय बिताउनेहरु रहेका छन्। चिकित्सकहरुले घाँटी र कम्मरको समस्या भएका आधाभन्दा बढी आइप्याड र मोबाइल बोक्ने युवाहरु रहेको बताएका छन्। यस्तो समस्या हुनेहरु ३० वर्षभन्दा कम उमेरका रहेको ब्रिट्रिस क्यारोप्याट्रिक एसोसियसनले जनाएको छन्। यी मध्ये धेरै युवा दैनिक १० घण्टाभन्दा बढी सानो र ठूलो स्क्रिनको अगाडि बस्छन्। एसोसियसनमा आवद्ध चिकत्सक टिम हचफुलले धेरै जसो युवाले एकै किसिमले धेरै समय डेस्कटपमा बस्दा, आइप्याड र मोबाइल चलाउँदा समस्या हुन्छ भन्ने ज्ञान नभएकाले यस्तो समस्या दिनदिनै बढीरहेको बताए।
चिकित्सकहरुले डेक्सटपमा काम गर्दा, आइप्याड र मोबाइल चलाउँदा ३० मिनेटको अन्तरमा आसन बदलन र शरीरलाई आराम दिनपनि सल्लाह दिएका छन।
