धादिङको जोगिमारामा सोमबार बिहान बस र माइक्रोबस आपसमा जुध्दा ४ जनाको घटनास्थलमै मृत्यु भएको छ भने १४ जना यात्रु घाइते भएका छन्। जिल्ला प्रहरीका कार्यालय धादिङका अनुसार काठमाडौंबाट कपिलवस्तु गइरहेको लु १ ख ९५९३ नम्बरको बस र पोखराबाट काठमाडौं आइरहेको बा १ प १०२८ नम्बरको माइक्रोबस पृथ्वीराजमार्गको जोगिमारामा ठोक्किएका थिए।
मृत्यु हुनेमा ४ जना कोरियन पर्यटक छन्। माइक्रोबस चालक रोशन भुषालको पनि घटनास्थलमै ज्यान गएको छ। मृत्यु हुने कोरियन नागरिकमा चाङ गो खी, नो उन दोक,झा योङ चो र ली सोङ योग रहेका छन्।
घाइते यात्रुको गजुरी अस्पतालमा प्राथमिक उपचारपछि काठमाडौं पठाइएको प्रहरीले जनाएको छ।