ग्राण्डी अन्तर्राष्ट्रिय अस्पतालले ‘मिसन टु सेभ हार्ट’ अभियान शुरु गरेको छ।
आफ्नो नियमित सि एम ई कार्यक्रमलाई केही औपचारीक र बृहत बनाउँदै ग्राडी अस्पतालले शनिबार एक कार्यक्रमबा बीच अभियान शुरु गरेको हो।
अभियानको पहिलो चरणमा शनिबार उपत्यकाका बिभिन्न अस्पतालमा कार्यरत १५० जना डाक्टरहरु र बिभिन्न मेडिकल कलेजमा अध्ययनरत बिद्यार्थीहरुको सहभागिता रहेको थियो।
ग्राण्डी अस्पतालले सञ्चालन गरेको अभियानको मुख्य उद्देश्य देशका बिभिन्न स्वास्थ्य संस्थामा कार्यरत जनशक्तिलाई उनीहरुको बिशेषज्ञता भएको क्षेत्रको शिप र दक्षतामा सहयोग पुर्याउनु रहेको ग्राण्डी अन्तर्राष्ट्रिय अस्पतालका ईन्टरभेन्सनल कार्डियोलोजी विभागका प्रमुख डा. ओम मूर्ति अनिलले बताए।
उनले बिषषज्ञता र अनुभव कम भएका जनशक्तिहरुलाई तालिम मार्फत सबलिकरण गरेर स्थानीय स्तरमा नै उपल्ब्ध श्रोत र साधनको अधिकतम उपयोगबाट हार्ट अट्याकबाट आउने इमरजेन्सीहरु कम गर्न सकिने समेत बताए।
हृदयघातका कारण हरेकबर्ष २० हजार जना भन्दा बढी मानिसको मृत्यु हुने गरेको बिश्व स्वास्थ्य संगठनको पछिल्लो अध्ययन प्रतिबेदनमा उल्लेख छ। अन्य अन्तर्राष्ट्रिय प्रतिवेदनहरुमा भने हरेक बर्ष ४० हजार जना भन्दा बढी मानिसको मृत्यु हुनेगरेको उल्लेख छ ।
हृदयाघात भएपछि दक्ष चिकित्सकको अभावमा समयमा उपचार नपाउनु नै मृत्युको मुख्य कारण रहेको चिकित्सकहरुको भनाई छ ।
कार्यक्रमका बीच असहाय र बिपन्न मुटु रोगीहरुका लागि ग्राण्डी अन्तर्राष्ट्रिय अस्पतालका तर्फवाट गैर आवासिय नेपाली संघका संस्थापक अध्यक्ष डा. उपेन्द्र महतोले २५ लाख रुपैँयाको अक्षय कोष पनि घोषणा गरेका छन्।
डा.महतोले सामान्य आयस्तरका नेपालीको पहुँचमा ग्राण्डी अन्तर्राष्ट्रिय अस्पतालको उपचार सेवा पुर्याउने उद्धेश्यसहित पाँचसय रुपँयाको जनरल बेडको समेत घोषणा गरे।
एनएमसी ग्रुपका अध्यक्ष तथा सिईओ डा. बि आर सेठ्ठी ले उद्घाटन गरेको कार्यक्रममा ग्राण्डी अन्तर्राष्ट्रिय अस्पतालका अध्यक्ष दिपक कुँवर, मेडिकल डाइरेक्टर डा. चक्रराज पाण्डे , गैर आवासिय नेपाली संघका संस्थापक अध्यक्ष डा. उपेन्द्र महतो, भारतको बि एल के अस्पतालका बरिष्ठ मुटुरोग बिशेषज्ञ डा. सुवास चन्द्र सँगै नेपाल र भारतका बरिष्ठ डाक्टरहरु लगायतका बिशिष्ठ ब्यक्तित्वहरुको सहभागिता रहेको थियो ।
