जर्मन प्रहरीले जर्मनविङ विमानका को–पाइलटको डुसेलडर्फमा रहेको फ्ल्याट नियन्त्रणमा लिएको छ। २८ वर्षे एन्ड्रेस लुप्बिज ड्रिप्रेसनबाट पीडित थिए कि थिएनन भन्ने बारेमा पनि अध्ययन भईरहेको छ। धेरैजसो प्रमाणले उनी मानसिक रोगबाट पीडित भएको देखिएको अधिकारीहरुले बताएका छन्। धेरै जर्मन मिडियाले लुप्बिज मानसिक रोगी भएको बताएका छन्।
सन् २०१३ मा जर्मनविङस्मा काम सुरु गरेका लुप्बिज यसअघि कुनै आपराधिक गतिविधिमा संलग्न भएको रेकर्ड नरहेको प्रहरीले जनाएको छ। विमान दुर्घटनामा कुनै आतंककारी मनासाय नरहेको पनि अनुसन्धानमा संलग्न अधिकारीहरुले जनाएका छन्। विमानको एउटा ब्ल्याक बस्क अझै भेटिएको छैन्।
यसअघि पनि २९ नोभेम्बर २०१३ मा मोजाम्बिकबाट अंगोलाका लागि उडेको जहाज नामिवियामा दुर्घटना परेको थियो। ३३ जनाको ज्यान गएको सो दुर्घटनामा पाइलटले जानीजानी दुर्घटनामा पारेको खुलेको थियो।
सन् १९९९ अक्टोबर ३१ मा इजिप्ट एअरको बोइङ ७६७ जहाज न्युयोर्कमा दुर्घटनामा परेको थियो। २सय १७ जनाको ज्यान गएको सो दुर्घटनापनि पाइलटले नियतवस गराएको अनुसन्धानमा खुलेको थियो।
सन् १९९७ डिसेम्बर १९ मा इण्डोनेसियाबाट सिंगापुर उडेको बोइङ ७३७ दुर्घटनामा पर्दा १ सय जनाको ज्यान गएको थियो। दुर्घटनाको अनुसन्धान गर्दा पाइलटको व्यक्तिगत समस्याका कै कारण भएको खुलेको थियो।