कास्कीको लेखनाथमा चितुवाको आक्रमणबाट २ जना गम्भीर घाईते भएका छन्। आक्रमणबाट लेखनाथ नगरपालिका ७ तालचोककी ७० बर्षिया जमुना बराल र ५० बर्षिया रमा सुबेदी घाईते भएका हुन्। लेखनाथ नगरपालिका वडा नम्बर १० स्थित खोलाबेशीमा घरभित्रै छिरेर आक्रमण गरेको हो।
बुधबार राति ११बजेतिर बाख्राको खोरमा चितुवा छिरेपछि लखेट्ने क्रममा घरभित्रै छिरेर उनीहरुमाथी आक्रमण गरेको घाईते रमाका छोरा शंकर सुवेदीले जानकारी दिए। घाईतेहरुको टाउको, छाती, हात र अनुहारमा चोट लागेको छ। घाईते दुबै जनाको अहिले पोखराको मणिपाल शिक्षण अस्पतालमा उपचार भैरहेको छ। बाख्राको खोरमा छिरेर बाहिर निस्कन नसकेपछि चितुवा घरभित्र छिरेको थियो। पहिले २ वटा बाख्रा मारे पछि घरभित्र पसेको सुवेदीले बताए।
