प्रहरी जवान सुन्तली धामीलाई बलात्कार गरेको अभियोग लागेका उनकै तीन सहकर्मीले दायर गरेको रिट निवेदन सर्वोच्च अदालतले खारेज गरेको छ।
सहकर्मी धामीलाई बलात्कार गरेको अभियोग लागेका प्रहरी जवान वीरादत्त बडू, नीरमान महतरा र दानसिंह भण्डारीले सुनुवाइको मौका नदिई सर्वोच्च अदातलले अाफुहरुलाई मुद्दा लगाउन विगतमा दिएको आदेशविरुद्ध रिट दायर गरेका थिए।
निवेदनमा सुनुवाइको मौका नरोकेको भन्दै न्यायाधीशद्वय कल्याण श्रेष्ठ र ओमप्रकाश मिश्रको संयुक्त इजलासले सो रिट खारेज गरेको हो।
आदेशमा भनिएको छ, 'भइरहेको अभियोजनसम्बन्धी प्रणालीमा अभियोजन नगरेको अवस्था र पीडितले उजुर गर्ने तथा त्यसको पर्याप्त सम्बोधन गर्ने भरपर्दो प्रणाली व्यवस्थित गरेको नहुँदा अन्तिम विकल्पको रुपमा न्यायिक पुनरावलोकनलाई ग्रहण गर्न मिल्ने भन्न पनि नमिल्ने हुनाले अघिको पूर्ण इजलासको निर्णयसम्म असहमत हुन सक्ने अवस्था रहेन, तसर्थ प्रस्तुत रिट निवेदन खारेज हुने ठहर्छ ।'
धामीमाथि भएको बलात्कार घटनामा संलग्न भन्दै अछामको जिल्ला सरकारी वकिल कार्यालयले ३ जना प्रहरी जवानलाई मात्रै मुद्दा चलाएको थियो। धामीले बडू,महतरा र भण्डारी पनि संलग्न भन्दै उनीहरुलाई मुद्दा चलाउन अादेश दिन माग गर्दै सर्वोच्चमा रिट दिएकी थिइन्।
तत्कालिन न्यायाधीश बलाराम केसी सहितको इजलासले धामीको रिटमाथि सुनुवाई गर्दै यी तीन जनालाई बलात्कार घटनामा संलग्न भएको भन्दै मुद्दा चलाउन अादेश दिएको थियो।
सर्वोच्चले दिएको अादेश बमाेजिम मुद्दा चलेको थियो।
त्यसपछि ती जवानले २०६८ असार ९ मा सुनुवाइको मौका दिनुपर्ने माग गर्दै रिट दायर गरेका थिए।
