पोखरा आसपासमा शनिवार साँझ भुकम्पको धक्का महशुस गरिएको छ। साँझ ७ बजेर ४४ मिनेट जाँदा भुकम्पको धक्का महशुस गरिएको हो। राष्ट्रिय भुकम्प मापन केन्द्रका प्राविधिक अधिकृत उमेशप्रसाद गौतमका अनुसार ५ दशमवल ५ म्याग्निच्यूडको भुकम्प गएको जानकारी दिए। भुकम्पको धक्का महशुस भएपछि सर्वसाधरण आत्तिदै घरबाट बाहिर निस्किएका थिए।
पोखराबाट उत्तरपश्चिम कास्की, पर्वत र म्याग्दीको सिमाना नजिकै केन्द्र विन्दु बनाएर भुक्कप गएको गौतमले जानकारी दिए। गौतमका अनुसार यो भुकम्प मझौला हो। भुकम्पको केन्द्र नजिकै यसले ठुलै धक्का दिने र जति दुरी बढ्दै जान्छ क्रमशः धक्का पनि कम हुँदै जाने गौतमले बताए।
भुकम्पले कुनै क्षति नभए पनि पोखरामा भुकम्पको धक्का महशुस भएपछि भाग्ने क्रममा लडेर एक महिला घाइते भएकी छन्। पोखरा नदीपुर ३ की पवित्रा गर्वुजा पून लडेर बेहोस भएकी हुन्। उनलाई पोखरा फिस्टेल अस्पतालमा उपचार पछि घर फर्केकी छन्। उनको अनुहारमा चोट लागेको र तीन वटा टाका लगाएको छ। भुकम्पको धक्का कास्की आसपासका जिल्लामा पनि महशुस भएको थियो। पोखरामा करिव ५/७ सेकेण्ड भुकम्पको महशुस गरिएको थियो। पोखरामा केहि समय पहिले पनि भुकम्पको महशुस भएको थियो।
अन्तर्राष्ट्रिय भूकम्प मापन संस्थाहरुबाट हाल प्राप्त जानकारी अनुसार सिन्दुजुरे र पार्चे गा.बि.स. को सिमानामा चिप्लि गाउँ र कम्चे गाउँ आसपास केन्द्र बिन्दु बनाएर ४.८ रेक्टर स्केलको भूकम्प गएको हो । प्रारम्भिक रिपोर्टले माछापुछ्रे गा.बि.स. को सेती नदी खोंचमा केन्द्र बिन्दु भएको जनाएको थियो ।
