काठमाडौंको महावौद्धमा शनिवार मध्यान्ह १२ बजे भएको आगलागी दुइ घण्टापछि नियन्त्रणमा आएको छ। आगो नियन्त्रण गर्न जुद्ध वारुणयन्त्र काठमाडौंका दुई दमकल, नेपाली सेना र नेपाल प्रहरीको दमकल प्रयोग भएका थिए। जुद्ध वारुणयन्त्रका २८ जना अग्नी नियन्त्रकले अागो िनयन्त्रण गरेका हुन।
महावौद्धको साउ चौकमा रहेको लक्ष्मणमान श्रेष्ठ र विरेन्द्रमान श्रेष्ठको घरको पाँचौं, छैटौं र सातौं तलामा आगो लागेको जुद्ध वारुण यन्त्रका प्रमुख किशोर कुमार भट्टराईले जानकारी दिए। भट्टराईका अनुसार छैटौं तलामा विद्यूत सट भई आगलागी भएको हुन सक्छ।
घरको पाँचौं तलामा रहेको दीपेन्द्र कुमार शाक्यको चाइनिज सामानको गोदाम सहित छैठौं तलामा रहेको कमल पुरीको खेलौना लगायत जुत्ताको गोदामका सामान पनि जलेका छन। त्यस्तै सातौं तलामा रहेको विनोद कार्कीको विद्यूतीय सामानको गोदाममा पनि क्षती भएको छ।
आगलागीमा भएको क्षतिको पूर्ण विवरण आइसकेको छैन्। प्रारम्भिक अनुसन्धानमा लाखौं मूल्यको सामान जलेको नेपाल प्रहरीका डिएसपी वेद विष्टले सेतोपाटीलाई जानकारी दिए।