मोटरसाइकल चोरी गरेर भागेका एक युवकको दुर्घटनामा ज्यान गएको छ। शुक्रवार विहान ढिकपुरका १९ वर्षे आशिष चौधरी तुलीपुर १५को पर्सेनीमा दुर्घटनाग्रस्त मोटरसाइकल सहित मृत फेला परेका हुन।
इलाका प्रहरी कार्यालय तुलसीपुरका डिएसपी चक्रराज जोशीका अनुसार, मृतक चौधरीले विहिवार त्रीपुर नगरपालीका १०का संदिप शाहको मोटसाइकल चोरी गरेर भागेका थिए। शाहले आफनो रा२ प २७६६ नम्बरको मोटरसाइकल चोरी भएको जाहेरी प्रहरीमा गरेका थिए।
शुक्रवार विहान चोरी भएको मोटरसाइकल सहित चौधरी मृत फेला परेका हुन। तुलसीपुर नजिकै पर्सैनीमा दुर्घटनाग्रस्त मोटरसाइकल सड्कको छेउको झाडीमा र चौधरी अर्काे लेनमा मृत अवस्थामा भेटिएका हुन।
मदिरा सेवन र अत्यधिक गतिका कारण अनियन्त्रीत भएर दुर्घटना भएको हुन सक्ने प्रहरीको आशंका छ।
