बुधबार दिउँसो पर्साको हरपुरमा प्रहरी र गाउँलेबीच भएको झडपमा चार महिलासहित तीन प्रहरी धाइते भएका छन्। पर्सा प्रहरीको सहयोगमा काठमाडौंको केन्द्रीय अनुसन्धान ब्युरो (सिआइबि)को टोलीले स्थानीय सर्युग चौधरीको घरमा खानतलासी गरी चौधरीलाइ नियन्त्रणमा लिएपछि स्थानिय महिलाहरु जाइलागे पछि प्रहरीले ६७ राउन्ड गोली प्रहार गरेको थियो।
खानतलासिमा चौधरीको घरबाट केही बरामद नभए पनि प्रहरीले सर्युगलाइ नियन्त्रणमा लिएपछि रिहाइको मागं गर्दै स्थानीय महिलाहरुले प्रहरी माथी ढुगांमुडा गरेका थिए। स्थानीयले ढुँगामुढा बर्षाउन थालेपछि स्थितीलाइ नियन्त्रण गर्न प्रहरीले गाली प्रहार गरेको प्रहरी उपरीक्षक दिवेश लोहनीले बताए। प्रहरीको गोलीबाट हरपुर गाविस बडा नम्बर ८ बस्ने प्रेमिना देवि चौधरी,इन्द्रा देवि चौधरी,दुखनी देवि चौधरी र दिप्नी देवि चौधरी धाइते भएको छन्।
दुबै खुटामा लागेको गोलिबाट घाइते भएकि दिप्नी देविलाइ काठमान्डौ रेफर गरिएको छ। बिशेष सूचनाको आधारमा गरिएको छापामारीमा घरबाट हाथिको दाँत सहित चौधरीलाई पक्राउ गरिएको सिआइबि टोली प्रमुख प्रहरी निरीक्षक भोला भट्टले दाबि गरे।
चौधरीको घरमा छापामारीमा केहि बरामद नभएपछि उनलाइ छोडाउन महिलाहरुले प्रहरी समझ अनुरोध गरेपनि प्रहरीले नछाडे पछि महिलाहरुले ढुंगामुडा गरेको स्थानिय रामनारायण गौरीले बताए। प्रहरीले भरुवा र रायफलबाट ६७राउन्ड भन्दा बढी गोली प्रहार गरेको गौरोले दाबी गर्दै रायफलको गोलीबाट घाइते महिलाको अवस्था गम्भीर रहेको गौरोको भनाइ रहेको थियो।
घाइतेहरुलाइ उपचारको लागी वीरगन्जस्थित नारायणी उपक्षेत्रीय अस्पतालमा ल्याइएको छ।स्थानियले सिआइबि टोलीको गाडी तोडफोड गर्दै चौधरीलाई प्रहरी नियन्त्रणबाट निकाल्न ढुँगामुढा सुरु गरेपछि पसार र बाराका बिभिन्न प्रहरी इकाईबाट मद्दतको लागि थप प्रहरी बल पुगेको थियो। झडपमा स्थानीय आधा दर्जन महिला सहित विरुवा गुठि प्रहरी चौकीका प्रहरी सहायक निरिक्षक सर्पलाई यादव सहित तीन प्रहरी घाइते भएको छन्।
'आफूहरुलाई गाउँले घेरा लिएर आक्रमण सुरु गरेको भनी सिआइबि टोलीले साँझ ४ बजे मद्दत मागेको थियो,' लोहनीले भने, 'तत्काल पठाइएको थप प्रहरीले बचाउको लागि ७० राउण्ड गोली फायर गर्नु परेको थियो।' छेउछाउका दर्जन भर प्रहरी इकाइबाट पुगेको टोलीले मानवीय क्षतिबिना नै सिआइबि टोलीलाई सकुशल उद्धार गरेको थियो।