क्रिसमसको अवसरमा नेपाल मानव धर्म सेवा समितिले बसन्तपुर डबलीमा “मेचि महाकाली अध्यात्म जागरण अभियान” गरेको छ।
कार्यक्रममा बोल्दै समितिकी केन्द्र प्रमुख महात्मा चेमेली वाई जीले धर्म भाषागत रुपमा अनेकौं सम्प्रदायमा बाँडिएता पनि मुल उद्देश्य एकै भएको बताइन्। सबै धर्मले मानव समाजमा शान्ति, सद्भाव तथा भाईचाराको सन्देश प्रवाह गर्ने भएकाले युवाहरुले अध्यात्मको वास्तविक ज्ञान हासिल गरी एकजुट भएर राष्ट्र निमार्णमा अग्रसर हुनुपर्नेमा उनले जोड दिइन्।
युवाहरुमा अध्यात्मको महत्व साथै आवश्यकताको बारेमा जानकारी दिन आयोजिक कार्यक्रममा सयौको सहभागिता थियो।
ऐतिहासिक नगरी पाटन दरबार क्षेत्रबाट शुरू भएको अभियान मेचीदेखि महाकालीसम्म पुर्याउने लक्ष्य रहेको समितिले जानकारी गराएको छ।
