सिन्धुपाल्चोकको बराम्चीमा गुडिरहेको बसमा
करेन्ट सर्ट हुँदा मृत्यु भएका परिबारलाई नेपाल बिद्युत प्राधिकरण र अरनिको बस ब्यबसायी समितिले क्षतीपूर्ति दिने भएको छ।
जिल्ला प्रशासन कार्यलय चौतारामा प्रमुख जिल्ला अधिकारी गोपालप्रसाद पराजुलीसहित सोमबार बसेको पीडीत पक्ष, प्राधिकरण र अरनिको वस ब्यबसायीसंघबीचको सर्बपक्षीय बैठकले उक्त निर्णय गरेको प्रमुख जिल्ला अधिकारी गोपाल प्रसाद पराजुलीले जानकारी दिए।
किरीया खर्च स्वरुप प्राधिकरणले प्रति परिबार १५ हजार तथा क्षतिपूर्ती स्वरुप ५ लाख रुपैया तथा अरनिको बस ब्यबसायी समितिले मृतकका प्रति परिवारलाई एक लाख ५० हजारका दरले क्षतीपूर्ती दिने निर्णय गरेको प्रमुख जिल्ला अधिकारी पराजुलीले जानकारी दिए।
काठमाडौंबाट सिन्धुपाल्चोकको जलबिरेतर्फ जादै गरेको बा २ ख २७ ०२ नम्बरको बसले बराम्चीस्थित बालुवा २ मा बिजुलीको हाईटेन्सन लाईनमा छुँदा हिजो सिन्धुपाल्चोक बतासेकी ७० वर्षिया मनमाया भुुजेल, पाङ्गताङ्गकी ४० वर्षिया सर्किनी स्याङ्गबो, गोल्छेका४० वर्षिय रेश बहादुर स्याङ्गबो र गुम्बा गाबिसका २५ वर्षिय बिकाश तामाङ्ग सहित ४ जनाको घटना स्थलमै मृत्यु भएको थियो।
यसैबिच मृत्यु भएका चारै जनाको आजै आ-आफनै संस्कारसहित अन्त्येष्टि गरिएको छ।
