हिजो दिउँसोबाट बेत्तपा कैलालीको श्रीपुर गाविस लालपुरकी १० वर्षीया बालिका बेहोस अवस्थामा फेला परेकी छन्। प्रहरी र स्थानीय बासिन्दाले नजिकैको गोला सामुदायिक वन क्षेत्रबाट बालिकालाई बेहोस अवस्थामा फेला पारेका हुन्।
स्थानीय धनबहादुर बोगटीले बालिकालाई आफूले बलात्कार गरेर हत्या गरेको भनेपछि प्रहरी र स्थानीयले खोजी गरेका थिए। बोगटीलाई प्रहरीले नियन्त्रणमा लिएको छ।
बोगटीले भनेकै स्थानमा बालिकालाई बेहोस अवस्था भेटाएको स्थानीय जयराज पाठकले जानकारी दिनुभएको छ। बेहोस बालिकालाई उपचारका लागि धनगढीस्थित सेती अञ्चल अस्पतालमा ल्याईदै गरेको प्रहरीले जनाएको छ।