आँखाको ज्योति गुम्ने गरी बिद्यार्थीलाई कुटपिट गर्ने बाँके हिरमिनियस्थित भेरी जोन इङलिस मिडियम स्कुलकी शिक्षिका आराधाना रानालाई प्रहरीले पक्राउ गरेको छ। शिक्षिका रानालाई पक्राउ गरी अनुसन्धान शुरु गरिएको जिल्ला प्रहरी कार्यालय बाँकेका प्रहरी नायब उपरिक्षक प्रेम बस्नेतले जानकारी दिए ।
होम वर्क नगरेको भन्दै शिक्षिका आराधाना रानाले कापीले हान्दा ८ बर्षिय बालक अजय धोबीको आँखाको ज्योति गुमेको थियो। आँखाको ज्योति गुमेका बिद्यार्थी अजय धोवीलाई थप उपचारका आगि काठमान्डौको तिलगंगा आखा अस्पतालमा भर्ना गरिएको छ।
यसैबीच बाल अधिकारको क्षेत्रमा कार्यरत संघ संस्थाहरुले दोषी शिक्षिकामाथि कारबाही गरी बालका अजयको निशुल्क स्वास्थ्य उपचारको ब्यबस्था मिलाउन सरकार समक्ष आग्रह गरेका छन।
शिक्षिकाको कुटाइले असारको ९ गते आँखामा चोट लागेपछि अजयलाई उपचारका लागि नेपालगन्जस्थित फत्तेबाल आँखा अस्पतालमा ९ दिन सम्म राखिएपनि अजयको आखामा सुधार नभए पछि थप उपचारका लागि काठमान्डौं रिफर गरिएको फत्तेबाल आँखा अस्पतालका प्रमुख डाक्टर बासु अधिकारीले बताए। अहिले बालक अजयको तिलगंगा आखा अस्पतालमा उपचार भई रहेको छ।
शिक्षिका आराधाना रानाको कुटाइबाट आँखाको ज्योती गुमाएका बालक अजय धोबी