धनगढीबाट महेन्द्रनगरतर्फ आइरहेको पवनदुत यातायातको बस शुक्रबार दिउँसो कञ्चनपुरको कृष्णपुर–२ लालझाडी क्षेत्रमा दुर्घटना हुदा दुई जनाको मृत्यु भएको छ। मृत्यु हुनेमा बसकै सह–चालक कञ्चनपुरको दैजी–१ का ३५ बर्षिय सुरेश थापा र बसमा सवार देखतभुली गाविस–८ की ४० बर्षिया भागरती विक रहेको ईलाका प्रहरी कार्यालय झलारीले जनाएको छ।
सह–चालक थापाको घटनास्थल र विकको उपचारका क्रममा मृत्यु भएको हो।
घटनास्थलमा स्थानीय जगदिश भट्टले दिएको जानकारी अनुसार धनगढीबाट महेन्द्रनगर आइरहेको धनगढीबाट महेन्द्रनगरतर्फ आइरहेको पवनदुत यातायातको म १ ख ४१५ नम्बरको बस दुर्घटना भएको हो। बसको पछाडीको टायर पट्किएर दुर्घटना भएको हो।
बस राजमार्गबाट केही मिटर तल खसेको भट्टले बताउनुभयो। दुर्घटनामा परी २७ जना घाइते भएका छन। घाइतेहरु मध्ये २ जनाको थप उपचारका लागि अन्यत्र रिफर गरिएको छ। घाइतेहरु २६ जनाको पहिचान भइसकेको छ। जिल्ला प्रहरी कार्यालयले दुर्घटनाको एकिन विवरण आइरहेको जनाउदै घाइतेहरुको कैलालीको अत्तरीययास्थित सेवा नर्सिङ्ग र पद्मा अस्पतालमा उपचार बताएको छ ।
