प्रत्येक पाँच वर्षमा लाग्ने गढिमाई मेलामा बाराको बरियारपुरमा मानव सागर उर्लीएको छ। असिम आस्थाको केन्द्रबिन्दुको रुपमा रहेको यो मेलामा दर्शनार्थी तथा भक्तजनहरुको भीडले मेलास्थल खचाखच भरिएको छ।
तरपनि मेलामा चारैतिरबाट नेपाल तथा भारतका दर्शानार्थीहरुहरु विभिन्न सवारी साधनबाट लावालस्करका साथ आउनेहरुको ताती जारी रहेकोले व्यस्थीत गर्न हम्मेहम्मे परिरहेको छ।
मन्दिरमा आएपछि सबैले आफ्नो मनोकांक्षा पूरा होस भन्ने कामना राखेका हुन्छन्।साथै सबैको बिश्वासको धरोहर गढिमाई मेलालाई ब्यवस्थित रुपमा सम्पन्न गर्नु अर्को चूनौती रहेकोछ। बिश्वमै बलि पिठको रुपमा प्रसिद्धी कमाएको गढिमाई मेलामा नेपाल तथा भारतका बिभिन्न स्थानबाट समेत लाखौं भक्तजनहरु मेलामा पुगेका छन्।
तान्त्रिक बिधिबाट गढिमाईको पुजा गरिँदा स्वतः दिप प्रज्वलित भएपछि बलि दिने परम्परा रहदै आएको छ। यो ऐतिहासिक मेलामा भारतको कासिकका राजाद्वारा पठाइएको पाँचवटा राँगा एवम पशुपंक्षीहरु पहिले बलि दिएर अन्य बलि दिने प्रचलन रहदै आएको छ।
सपनामा भगवान चौधरीलाई गढीमाइले यो बलिपिठमा बलि दिए आफूले चिताएको र भाकल गरेको कुरा पूरा हुन्छ भनेकाले त्यही अनुसार गढिमाईको प्रसिद्वि सुरु भएको जनविश्वास रहेको छ।
बिहिबार मध्यरातमा गढीमाई मन्दिरमा सेतो मुसा, सुँगुर, कुखुरा, बोका र परेवाको पञ्चबली दिएर बलीको शुरुवात भएको छ। राँगाको बलि तोकिएको स्थानमा मात्रै र अन्य पशुपंक्षीको बलि मेलास्थल प्रवेश गरेपछि लगाइएको घेरा भित्र हुने समितिले जनाएको छ।
बलि रोक्न बिभिन्न अभियान चलाइए पनि बलि चढाउने सख्यामा कुनै कमि देखिएको छैन। यस बलिपिठमा बलि दिने र बिभिन्न भाकलहरु पूरा हुन थालेपछि मेलाको शुरुवात भएकोले त्यसलाइ रोक्न नसकिने मन्दिरका सहायक पुजारी धिरेन्द्र चौधरीको बताए।
उनले भने 'मनोकामना पूरा भएपछि भक्तजनहरु भाकल चढाउने गर्छन्। यदी भाकल चढाइएन भने कुनै अनिष्ट हुन्छ कि त्यो पनि डर हुन्छ। त्यसकारण वर्षौदेखि आस्थामा आधारित रहेको बली प्रथालाई रोक्न सकिँदैन।' साथै उनले आफूले यो वर्षको पुजामा गढीमाइसँग मुलुकमा समयमै संविधान लेखियोस भने अनुरोध गर्दै मुलकबाट सधैका लागि आतंंकवाद समाप्त होस् भन्ने कामना गरेको बताए।
मेलास्थलका विभिन्न चार ठाउँमा एक दिनमा झण्डै १५ हजार दर्शनार्थीहरु बास बस्ने सक्ने गरि निःशुल्क बासस्थलको प्रबन्ध मिलाइएको समितिका महासचिव कुशवाहाले बताए।
भारतको घेडासन, छौडादानो, आदापुर र रक्सौलनाकाबाट आउने भारतीय भक्तजन तथा दर्शनार्थीहरुको लागि मेला अबधीभर सवारी साधनको भन्सार छुटको ब्यवस्था गरिएको मेला समितिले जनाएको छ। मेलास्थलमा खानेपानीको लागि तीन सयवटा चापाकल र ४० स्थानमा शौचालय निर्माण्ँ गरिएको जिल्ला खानेपानी तथा सरसफाइ डिभिजन कार्यालय बाराले जनाएको छ।
दर्शनार्थी र भक्तजनहरुको सुक्षा र सहजताका लागि मेलास्थलमा प्रहरी नायव उपरीक्षक रविन्द्रनाथ रेग्मीको कमाण्डमा नेपाल प्रहरी र सशस्त्र प्रहरी गरि ११ सय जना सुरक्षाकर्मी र एक सय ५० जना ट्राफिक प्रहरी परिचालन गरिएको जिल्ला प्रहरी कार्यालय बाराले जनाएको छ।
मेला स्थलभित्र खानेपानी, विद्युत, शौचालय, सुरक्षा लगायतको जिम्मा सम्बन्धित सरकारी निकायहरुलाई नै दिइएको समितिले जनाएको छ। बिगतमा १५ हजार राँगा तथा असंख्यक बोका, परेवा, हास, कुखुरा, भेडाको बलि चढ्ने गरेकोमा यस बर्षपनि सोही हाराहारीमा बली चढ्ने सम्भावना रहेको छ।
मेलामा कोही बिभीन्न मनोकांक्षा राखी आउने गर्दछन भने कोही आफ्नो भाखल पूरा भएपछि मन्दिरमा पूजाका लागि आउने गर्छन। मन्दिरमा आएपछि सबैले आफ्नो मनोकांक्षा पूराहोस भन्ने कामना राखेका हुन्छन। सबैको बिश्वासको धरोहर गढिमाई मेलालाई ब्यवस्थित रूपमा सम्पन्न गर्नु अर्को चूनौती छ। यसका लागि स्थानीय प्रहरी प्रशासन र मेला ब्यवस्थापन समितिमात्र हैन सबैले आ आफ्नो क्षेत्रबाट उत्तिकै सहयोग पुर्याउनु आवश्यक छ।