बिर्तामोडस्थित न्यूटन स्कूलको गर्ल्स होस्टलका ईञ्चार्जले होस्टलमा बस्दै आएकी एक छात्रालाई जवरजस्ती करणी गर्न खोजेको आरोपमा पक्राउ परेका छन्।
भारतीय नागरिकसमेत रहेका ईञ्चार्ज सुप्रियो दासले गत कात्तिक २८ गते कक्षा १० मा अध्ययनरत एक छात्रालाई जबरजस्ती करणीको प्रयास गरेका थिए। पीडित बालिकाले भारत बैंग्लोरमा रहेकी आफ्नी आमालाई टेलीफोन गरी घटनाको बारेमा जानकारी गराएकी थिईन्।
पीडित बालिकाका परिवारले प्रहरीमा उजुरी गरेलगत्तै प्रहरीले ती शिक्षकलाई पक्राउ गरेको छ।
होस्टल ईञ्चार्ज दासले स्कूल छुट्टी भएपछि अन्य साथीहरुलाई घर पठाएर ती बालिकालाई भने होस्टलमै राख्न खोजेका थिए। तर, पीडित बालिकाको दाजु उनलाई लिन पुगेपछि उनले बलात्कार गर्न नपाएको बुझिएको छ। उनले अन्य छात्राहरुलाई समेत दुर्व्यबहार गर्ने गरेको बुझिएको छ। पीडितका अनुसार दासले छात्राहरुलाई खुट्टा ढोग्नसमेत लगाउँथे।
घटनाका बारेमा अरुलाई बताएमा एसएलसी दिन नदिने, स्कूलबाट निकालिदिने र मारिदिनेसम्मको धम्की दिएको पीडितले बताएकी छिन्। यता न्यूटन स्कूलले भने घटना साम्य पार्न पीडितका परिवारलाई दवाव दिईरहेको बताइएको छ।
पीडितका हजुरबुबाले भने, बिद्यालय प्रशाशन मात्र होईन, नेपाली कांग्रसका केही नेतासमेत आएर दवाव दिने गरेका छन्।
घटनाका बारेमा हल्ला भएपछि अहिले न्यूटन स्कूलमा हंगामा मच्चिएको छ। प्रधानाध्यापक हरी प्रसाईले महिला होस्टलमा पुरुष ईञ्चार्ज राख्नुको कारण स्पष्ट पार्न नसकेको अभिभावक बताउँछन् ।