विश्वकै होचा व्यक्तिको सूची 'गिनिज बुक अफ वल्ड रेकर्ड' मा नाम लेखाएका नेपालका चन्द्रवहादुर डाँगीले विश्वकै अग्ला व्यक्ति टर्कीका सुल्तान कोशेनवीच पहिलो पटक भेट भएको छ।
अग्लो र होचो व्यक्तिको रुपमा गिनिज बुकमा नाम लेखाएका उनीहरुवीच विहीवार लण्डनमा पहिलो पटक भेट भएको हो। विश्व गिनिज रेकर्ड डे को अबसरमा लण्डनमा बिहीवार भएको कार्यक्रममा उनीहरुवीच पहिलो पटक भेट भएको
अन्तर्राष्ट्रिय सञ्चारमाध्यमहरुले जनाएका छन्।
विश्वकै अग्ला सुल्तानको उचाई ८ फिट १ इन्च छ भने विश्वकै होचा व्यक्ति नेपालका चन्द्रवहादुर डाँगी २१ दशमलब ५ इन्चमात्रै छ। उनीहरुले बेलायतको व्यवस्थापिका संसदको भवन अगाडि सामूहिक तस्वीर खिचाएका छन्।
गिनिज बुकमा नाम लेखाउदाको क्षणको स्मरण गर्दै सुल्तानले भनेका छन्,'मैले गिनिज बुकमा नाम लेखाउँला भन्ने कहिल्यै कल्पना पनि गरेको थिइन्। तर नाम लेखाएपछि म ठूलो आश्चर्य परेको थिएँ। ' विश्वकै अग्लो व्यक्तिको सूचीमा गिनिज बुकमा नाम लेखाउन चीनका सी शुनलाई पछि पारेका सुल्तान पेशाले किसानी हुन्। सुल्तानले चीनका सी शुनलाई सन् २००९ मा पछि पार्दै विश्व गिनिज बुक अफ वल्ड रेकर्डमा आफ्नो नाम दर्ज गराएका हुन्। विश्वकै अग्ला व्यक्ति सुल्तानको उचाई ८ फिट १ इन्च छ भने चीनका सी शुनको उचाई ७ फिट ८ दशमलब ९५ इन्च छ।
विश्वकै होचा व्यक्तिको सूचीमा गिनिज बुकमा नाम लेखाएका नेपालका चन्द्रवहादुर डाँगी दाङको अति विकट गाउँ रिमखोलीका स्थानीय हुन्। डाँगीले गिनिज बुकमा नाम लेखाउदा नयाँ दिल्ली भारतका गुल मोहमद (२२ दशमलब ५ इन्च) लाई पछाडि पारेका थिए ।